مدونة للفضفضة عن المرارة والقهر 
أتمنى يكون كل حاكم أستوعب الدرس كويس وفهم أن البلد مش عزبة مامته ياخد خيرها كله فى جيوبه ويتعامل مع الشعب وكأنهم عبيد فى خدمته
- أتمنى كمان يفهم أن المنافقين اللى حواليه مجرد أقنعة موجودة فقط لحماية مصالحهم الشخصية .. وأكيد هيكونوا أول ناس تتخلى عنه ويزحلقوه على أقرب مطب فى الطريق عند سقوطه..
- والحمد لله ظهر الحق والعالم كله عرف أن الشعب المصرى لايقبل الظلم والطغيان أكثر من 30 سنة فقط .. بعد كدة نووووووو
- صحيح أتحملنا كثير من القهر والفساد وعدم وجود عدالة أجتماعية
- وكمان أتسرق مننا الآحساس بالآمان بعد ما أصبحنا ضيوف على بلدنا .. لكن معلش ربنا يعوض علينا …. ويارب الايام الجاية تكون أجمل
- المهم انى قريت فى الصحف خبر بيقول أنهم بدأوا فى محاكمة وزير الداخلية السابق ( العادلى )بتهمة غسيل الاموال والتربح .. ده على أساس أنه كان سارق كرتونة بيض مثلا؟؟؟ ومفيش أى أتهام أتوجه له بسبب قتل الآبرياء وتعذيب الناس بصورة وحشية
