مدونه للفضفضه عن المرارة والقهر 
بجد بنحنى احتراما وتقديرا لحكومتنا النظيفه فى مخها طبعا -بصراحه بقى استحملت كثير الشعب كل شوية يشتكى من ضعف المرتبات وانه مش لاقى حتى العيش الحاف لاولاده عرضت عليه يسيب العيش وياكل جاتوه رفض - قالتله ياخد قرض ويعمل به مشروع ويفشل علشان تحبسه مقابل القرض وتخلص منه موافقش - حتى لما طلبت منه يعمر صحراء سيناء ويزرع الحشيش بدل البانجو المضر بالصحه معجبوش الحل - وفضل يطالب بالعلاوة وزياده المرتب - هتعمل ايه ؟؟؟؟ دبور وزن على خراب عشه - عملتله الزياده اللى طلبها ياسلام طلباتك اوامر يامواطن 30% حته واحده ولايهمك - لكن منامتش قامت الصبح بدرى تانى يوم ورفعت الاسعار 100% علشان تعاقبه ويبطل يعملها صداع فى دماغها المتكلفه بفلوسه وفى الاخر ولا طال الزياده ولا استمر على حاله 
- ويخللى العلاوة تنفعه - معلش اصلى افتكرت قصه الواد المناضل سليمان الحلبى لما قتلوه بالخازوق - انا مش قصدى المواطن لا ماتفهموش غلط .......كتبها هدى صالح في 12:54 مساءً ::
19 تعليق
في08,مايو,2008 - 03:40 صباحاً, مجهول كتبها ...
والله فعلا مقلب وشربناه كلنا كمال
في08,مايو,2008 - 08:41 صباحاً, ابن البلد كتبها ...
الغاليه هدي
تحيه اكبر من هموم الوطن وبعد ...
لو مش عاجباكي علاوه المولد بلاش تاخديها واشتري من بره
وبعدين تعالي هنا :
"الحكومة المصرية وضعت شعبها فوق الخازوق" ؟
العيب مش في الخازوووووق
الخازوق فينا احنا
بس هما كل شيوه بيحركوه شويه
مش انتي ديما تسمعي عن الحراك السياسي وتوسيع الممارسه ؟
ربنا يوفقك هدي
وعقبال العلاوه الجايه
ياعلاوه المولد
في08,مايو,2008 - 11:18 صباحاً, مجهول كتبها ...
انا شايفه ان الحكومة نفسها هى الخازوق والعيب مش عليها العيب على المواطن اللى مش بياخد باله كل مرة ومش بيتعلم ازاى يجلس (على الخازوق )0000000000000000000000000000000000000000000000000000000000000000000000000000000000انتصار عبداللطيف
في08,مايو,2008 - 09:27 مساءً, مجهول كتبها ...
حيدانه فى كفر الكوسه الواد ابن عوضين قالى يابا الحاج الحق اقرا الخبر اللى كتباه الاستاذه هدى وكان الواد فرحان قووووى بالخاززززوق وقالى يابا الحاج منزرع خوازيق علشان سوقها ماشى اليومين دول وعلى رأى الاستاذه بكره ناخد الخازوق وندفع عليه كمان فلوس ربنا يحميكى يا استاذتنا ويجعل قلمك عامر بفضيحه الحكومه
في09,مايو,2008 - 02:13 صباحاً, مجهول كتبها ...
حلال عليكوا 000000000000000000000000000000000الخازوق000000000000000000مواطن محروق
في10,مايو,2008 - 10:30 صباحاً, صلاح العربي كتبها ...
مدونتك رائعة اتمنى لك التوفيق وممكن نتنعاون مع بعضنا في الترويج لمدوناتنا بين الاصدقاء والمعارف والايميلات التي نعرفها
في10,مايو,2008 - 11:37 صباحاً, ابن البلد كتبها ...
هدي
ازيك ياجميل
زعلان منك بجد علشان بتتكلمي كدا عن سينا
عمتا انا اقتبست ليكي تعريف لسينا من احد الدونات خديه اهو:
سينـــــاء
شبه جزيرة حررها المصريون بدمائهم ليمنعوا الإسرائيليين من التجول فيها بالملابس العسكرية ولتسمح لهم اتفاقية كامب ديفيد بالتجول فيها بالمايوهات
ومش عايزك تكشري بقي
اضحكي
في10,مايو,2008 - 06:15 مساءً, مجهول كتبها ...
حسبى الله ونعم الوكيل0000000000000000000000000000000محمد
في10,مايو,2008 - 07:38 مساءً, مجهول كتبها ...
ربنا يهدى ويصلح الحال وانشاءالله الاسعار هتنزل والعلاوة مش عايزنها بس نعيش بما يرضى الله - بس لو كل واحد راعى ضميره 0000000000000000000اسماء حسنى - موظفه غلبانه
في10,مايو,2008 - 11:30 مساءً, منى سعيد كتبها ...
ايه الكلام الكبير دا يا دودو ... عامة عند زيادة الاسعار مصائب قوم عند قوم فوائد
وبعدين بتحقدوا على السواقين ليه ولا يعنى حرام يغلى الميكروباص والاكل اه
تمنياتى بأسعار قادة السنة الجاية؟!!
في10,مايو,2008 - 11:56 مساءً, مجهول كتبها ...
نفسى اخد علاوة المولد وميكونش ثمنها ان الاسعار تولع ونفسى اروح السوق اشترى كيلو لحمه بس و2كيلة بامية نفسى اكل اكلة كويسة ورخيصه00000000000000000000000000000000000000000000مواطنه
في07,يونيو,2008 - 04:32 مساءً, إبراهيم رحمة كتبها ...
أسميتُك "تِنْ هينانْ"
لأنكِ قاهرةَ الأزمانْ..
تُوَزعين خبزا على الفقراءْ..
وتَعطِفينَ على الوِلْدانْ..
وستَخلُقينَ منَ العَدَمْ..
جنّةً وصيصانْ..
وتُهدينها لي..
كما يَذكرُ الطّوارقُ في الآثارْ..
في14,يونيو,2008 - 10:16 مساءً, المفتري كتبها ...
كلام في العظم .. يجعل ابليس يختشي على دمه " باللهجة المصرية "
قلم حي يخاطب أمواتا ً
هدى صالح
تقبلي تحياتي
في14,يونيو,2008 - 10:51 مساءً, هدى صالح كتبها ...
ميرسى يامفترى قوى جدا خالص على كلامك الجميل00000000000000تقبل انت تحياتى واحتراماتى وكل ادراجاتى000000000000000000000000000000000000000000000000000واهلا بيك فى مدونتى المتواضعه0000000
في10,يوليو,2008 - 12:05 صباحاً, عبيد خلف العنــزي كتبها ...
ليست مصر وحدها
كل الحكومات العربية فعلت ذلك
وبأشنع طريقة
تحياتي
عبيد خلف العنزي
في23,يوليو,2008 - 01:15 مساءً, DIJLA كتبها ...
الغالية هدى اميرة مصر ......
اجل اميرتها ابنة الشعب الطيب الامير .....
السمراء بسمرة الحقول النظرة البهية ......
انه زماننا الذي نعيشة مطرز بالذل والمهانه , والذي يصر على ان نركع فيه لاننا امة مستصعفه ؟......
هكذا يتخيلون هم ؟
ولكن الحقيقة تقول ان التغير ات قادمه ,,, رغم انف اكبر الكروش والعروش بيد ابناء الامة التي ترفض هذا الذل .....
سلم حبر قلمك وسلمت يداك ......
اختك دجلة الناصري .......
في10,ديسمبر,2008 - 07:07 مساءً, زياد ابو سليمان كتبها ...
بسم الله الرحمن الرحيم
الاخت الفاضلة
السلام عليكم ورحمة الله وبركاته
تقبل الله منا ومنكم صالح الاعمال
وكل عام وانتم بخير بمناسبة عيد الاضحى المبارك
القلم صديقك الذي يبقى معك مادمت تهتم به ..
وهو أداتك التي تعكس شخصك على مرآة الورق ..
إنهة هبة الله لبعض من الناس يحملوه سلاحا ومنارا .. يترجم بؤس قلوبهم وجراحاتهم الى قناديل تضئ دروب السعادة للآخرين
نفعني الله واياكم للعمل بما يحبه ويرضاه،
وأعاننا رب العزة على الاخلاص لفضله والتمسك بشرعه وأداء فرائضه
ولكم منا بإذن الله دعوات خالصة وصادقة في ظهر الغيب بالتوفيق والسداد
وان يجزل لكم الباري الأجر والمثوبة وأن يرفع قدركم ويسدد خطاكم ويعينكم على كل خير ويُعز بكم الإسلام والمسلمين
وأن يجمعكم الله مع النبيين والصديقين والشهداء والصالحين في جنات الفـــردوس
وبارك الله فيكم وجزاكم الله كل خير
وشكرا لكم لزيارة مدونتي المتواضعة
دمت بود
اخوكم
زياد ابو سليمان
فلسطين-القدس- غزة
في12,ديسمبر,2008 - 02:29 صباحاً, طالب السنجري كتبها ...
ابنتي العزيزة العامية التي تكتبين فيها اذا كانت تعبّر عن أحاسيس وتترجم واقعا يتحرك فما المانع منها فهي بنظري أفضل من غيرها اذا كانت متكلفة وبرجوازية
طالب السنجري
في12,ديسمبر,2008 - 10:24 مساءً, هدى صالح كتبها ...
ميرسى ياعمو على زوقك
وانشاءالله هكتب الفصحى -------------------- فى المشمش