سمراء النيل http://condaliza.maktoobblog.com ممنوع دخول العاقلين هنا خلاص؟؟؟؟؟؟ Tue, 15 Dec 2009 20:09:19 +0000 http://wordpress.org/?v=2.6.5 en ليله سودة http://condaliza.maktoobblog.com/1589729/%d9%84%d9%8a%d9%84%d9%87-%d8%b3%d9%88%d8%af%d8%a9/ http://condaliza.maktoobblog.com/1589729/%d9%84%d9%8a%d9%84%d9%87-%d8%b3%d9%88%d8%af%d8%a9/#comments Tue, 15 Dec 2009 15:15:38 +0000 هدى صالح http://condaliza.maktoobblog.com/?p=1589729  

 

 

كانت  ليلة  انتخابات  نقابة  الصحفيين بجد ليلة  سوده وطين - رغم ان عملية التصويت كان يشوبها  النزاهه فعلا - لكن الاغراءات والتربيطات والحركات والغمزات

كانت  أكبر  بكثير  من اى  نزاهه أكبر من

أى تغيير - دلوقتى بس  عرفت ان  مفيش أمل

ولاعمر ولا حتى بديل

- نفسى أشوف حاجة بتتغير أو بتتعدل …..

- من يوم  ماوعيت على الدنيا  نفس النظام

نفس السلطة - نفس القوانيين ويمكن العن - صاحب البيت بتاعنا زى ماهو نفس السحنة اللى بشوفها كل أول شهر - أذاعة ام طلعت اللى ساكنة ورانا  وبنعرف منها  أخبار الشارع  برضه متغيرتش - حتى عمو توفيق جارنا  لغاية دلوقتى لسة بيبص على الستات من وراء الشيش -  واضح أن  احنا  اللى

  غلط  والعيب  فينا  - احنا اللى  لازم  نتغير مش هما - لازم نهلل للفساد - ونزغرد للنفاق -  وربنا  حاسة كأنى راكبة  حمار بالعكس  مبقتش فاهمة حاجة  ولاعايزة افهم -

 نفسى  أنزل  الشارع الصبح بدرى وأهتف

  سقط الشعب ونجح النظام - رسب المواطن وفازت الغوغائية  - ياترى  ايه  السيناريو القادم  الينا  قريبا - حسبى الله  ده مش ادراج - ده مجرد احساس باليأس حبيت أنقله هنا علشان مكونش  عايشة النكد والحزن  وحدى …………. 

 

 

 

]]> http://condaliza.maktoobblog.com/1589729/%d9%84%d9%8a%d9%84%d9%87-%d8%b3%d9%88%d8%af%d8%a9/feed/ صحافة الزبالين http://condaliza.maktoobblog.com/1589720/%d8%b5%d8%ad%d8%a7%d9%81%d8%a9-%d8%a7%d9%84%d8%b2%d8%a8%d8%a7%d9%84%d9%8a%d9%86/ http://condaliza.maktoobblog.com/1589720/%d8%b5%d8%ad%d8%a7%d9%81%d8%a9-%d8%a7%d9%84%d8%b2%d8%a8%d8%a7%d9%84%d9%8a%d9%86/#comments Sun, 25 Oct 2009 04:06:39 +0000 هدى صالح http://condaliza.maktoobblog.com/?p=1589720 من المعروف ان الصحافة اتعملت لكشف الفساد ومحاربته .. والعمل على تنوير وتثقيف المجتمع والرقى به . وبكدة يبقى عندنا رأى عام صحى ومحترم - والمفروض أن القائمين على الصحف  يكونوا  دارسين وفاهمين يعنى أيه صحافة . وان الكلمة امانة يجب ان تؤدى بصدق وموضوعية منغير تحيز

- واتعلمنا كمان ان فى حاجة اسمها ميثاق الشرف الصحفى ( على أساس ان مهنة الصحافة مهنة شريفة لامؤاخذة يعنى ميصحش

نكتب أى خبر الا لو كنا متأكدين منه مع وجود المستندات طبعا خصوصا لو الحدث متعلق بالسمعه

- لكن اللى بيحصل الآن  بصراحه مسخرة

أصبحت الصحافة مهنة من لامهنة له . يعنى كل السباكين والمقاولين والزبالين كمان اللى معاهم فلوس  يقدروا بكل سهولة يعملوا جريدة

ويجمعوا شوية عواطلية من على القهوة ويبدأوا مشوار الكتابة من تحت السلم

- وبعضهم بيشترى كام صحفى رخيص من بتوع الفهلوة  واللى بايعين ضميرهم لمن يدفع أكثر لآبتزار رجال الاعمال  عن طريق الاعلانات يعنى بثمن الصفحة يصبح رجل الاعمال الحرامى رجل البر والتقوى - وصوره ملزوقه على كل الصفحات 

- وكثير قوى  بيلحسوا جذمة السلطة لينول الرضا والسماح وكل ماهو غير متاح ..

- ومنهم الصحفى الكبير قوى (سنا) الشايب العايب اللى بيقيم أى صحفية حسب طول شعرها وقصر جيبتها ولون عينيها ورسمة حواجبها . وميهمش الكفاءة ولا الدراسة .. وبعدين يتكلم على خلق الله ويجرحهم بالكدب

- ياريت كل واحد بيتكلم على الناس ويشوه سمعتهم  يشوف نفسه الآول وبيته ومراته وبنته .. واللى بيته من زجاج ميحدفش الناس بالطوب 

- بلدنا بتتسرق ….  بتتباع …. بتتحرق

بتتنهب ….. بتتخدر ….. بتمرض وتموت

- كلنا مسئولين عنها وعن ضياعها - اعتقد ان ده أهم من الجرى وراء الفضائح والمتاجرة بأعراض الناس..  جتكم القرف

 

 

]]> http://condaliza.maktoobblog.com/1589720/%d8%b5%d8%ad%d8%a7%d9%81%d8%a9-%d8%a7%d9%84%d8%b2%d8%a8%d8%a7%d9%84%d9%8a%d9%86/feed/ البيت مش بيتك http://condaliza.maktoobblog.com/1589697/%d8%a7%d9%84%d8%a8%d9%8a%d8%aa-%d9%85%d8%b4-%d8%a8%d9%8a%d8%aa%d9%83/ http://condaliza.maktoobblog.com/1589697/%d8%a7%d9%84%d8%a8%d9%8a%d8%aa-%d9%85%d8%b4-%d8%a8%d9%8a%d8%aa%d9%83/#comments Thu, 11 Jun 2009 20:17:02 +0000 هدى صالح http://condaliza.maktoobblog.com/?p=1589697 بكل حب وفخر ورقص أستقبلت مصر الشاب الجذاب الكذاب أوباما. بعد اعلان حالة الطوارىء وتعطيل المصالح والامتحانات وكتم الانفاس .. ولمزيد من الطحن للشعب اللى ساكن فى بلده بعقد مؤقت  تم وضع الالاف من الحراسة المدججة بالاسلحة  على جانبى الطريق وفوق الكبارى والميادين والحمامات. وذلك تحسبا لآى حركة نص كم تفسد الفرحة… وبعد انتهاء الزيارة التى تخللها رحلات وفسح وغداء وعشاء وحفلات ومزز حلوة للترويح عن الضيف عرفنا انه تم صرف اكثر من 500مليون جنيه .. وطبعا قبل الزيارة  كان فيه تصليحات ودهانات وتزويق وكهارب وزينات والذى منه  - بس اللى مخلينى حزينة  ازاى نصرف مبلغ زى ده على ضيف واحد  وعندنا اكثر من 8مليون مدمن  ياعينى مش لاقيين ثمن شمة هيروين ولاحقنه ماكس ؟ حقيقى حرام

- واستكمالا لمسلسل الكرم من أم الدنيا الى ضيوفها أصبحنا قطع غيار للسائحين من جميع الدول  يعنى الضيف يدخل  بلدنا وهو يعانى من فشل كلوى او كبدى او حتى عقلى بيكون ضامن أنه هيجد مايسره وكله بثمنه ….

- لكن فى ناس عندها وطنية وبتسرق اعضائنا علشان تبيعها لرجال الاعمال والاغنياء المصريين فقط وحصريا وأى حد تانى غريب لاممكن ابداااااا

- خلاص أصبحت حاسة ان مصر مش أمى  لا دى مرات أبويا  بتعامل فيها وكأنى من المطاريد وماليش  أى حق فيها.

- ولاعزاء للفقراء والعطلانيين وسكان المقابر والعشوائيات وتحت الكوبرى.والمحبوسين ظلم.

وبمناسبة أنى اكملت حوالى سنه تدوين  بشكر كل من تحمل فضفضتى وتعليقاتى .

- وبحييكم من عند جثث صخرة الدويقة ومنكوبى العبارة السلام 98 واللى راح ضحيتها 1400ببلاش . و2مليون طفل شارع منهم نص مليون اتخطفوا خارج البلاد كقطع غيار بدل تالف - والباقى أنضم أسفا لتشكيل عصابى

 - والسؤال الان  ياترى ممكن ييجى يوم وأشعر ان البيت بيتى ؟؟ ياترى بلدى هتحبنى وتحافظ على أدميتى وحريتى؟

               أستر يارب

       

]]> http://condaliza.maktoobblog.com/1589697/%d8%a7%d9%84%d8%a8%d9%8a%d8%aa-%d9%85%d8%b4-%d8%a8%d9%8a%d8%aa%d9%83/feed/ واحد قفا امريكانى وصلحه http://condaliza.maktoobblog.com/1589678/%d9%88%d8%a7%d8%ad%d8%af-%d9%82%d9%81%d8%a7-%d8%a7%d9%85%d8%b1%d9%8a%d9%83%d8%a7%d9%86%d9%89-%d9%88%d8%b5%d9%84%d8%ad%d9%87/ http://condaliza.maktoobblog.com/1589678/%d9%88%d8%a7%d8%ad%d8%af-%d9%82%d9%81%d8%a7-%d8%a7%d9%85%d8%b1%d9%8a%d9%83%d8%a7%d9%86%d9%89-%d9%88%d8%b5%d9%84%d8%ad%d9%87/#comments Fri, 20 Mar 2009 20:29:50 +0000 هدى صالح http://condaliza.maktoobblog.com/?p=1589678 قرأت خبر بيقول ان المعونة الامريكية لمصر هتنقص حوالى 200مليون دولار.. معرفش ليه افتكرت قصة فيلم شوفته زمان أسمه (عرض غير مشروع) اتفرجت عليه عند جارتنا طنط عنايات اللى  بتتكلم على الناس. ودايما تقول ان بنتها عبلة  أشرف واسعد وأكمل واجمل بنت فى الشرق الاوسط وكل البنات وحشين ومش متربيين - بعد كده عرفنا ان أشرف وأكمل واسعد دول الرجالة اللى عبلة بتحبهم …. المهم الفيلم بيحكى بأختصار قصة زوجين سعداء جدا وبيحبوا بعض  لكن فقراء ومش قادرين يشتروا عربية كاديلاك حتى

- وفى يوم اتعزموا على حفلة كبيرة فى اوتيل كبير برضه ولبسوا أحسن حاجة عندهم  وراحوا الحفلة .. وهناك أتعرفوا على رجل أعمال غنى قوى لكن فى نهاية الليلة الجميلة  طلب رجل الاعمال من الزوج انه يتكلم معاه على انفراد . وقاله انه معجب بمراته وعرض عليه  انه يقضى معاها ليلة فى نفس الفندق مقابل مليون دولار.ورجع الزوج العبيط لمراته وحكى لها على عرض رجل الاعمال وقعدوا يفكروا ساعة لغاية ما وجدوا الحل . انهم يوافقوا على الليلة علشان ياخدوا المليون دولار ويعملوا بيهم مشروع علشان يقدروا يعيشوا - وفعلا ذهبت الزوجه الى جناح رجل الاعمال وقضت معه الليلة .. وفى الصباح جاء الزوج وأخذ زوجته ومعها شيك بمليون دولار - وبعد محاولات عديدة لصرف الشيك وجدوا صعوبات وشروط تمنع حصولهم على الاموال . وتخيلوا بقى بعد تنازل الزوج عن زوجته لرجل اخر من أجل المال وبرضه ماخدوش حاجة …. طبعا معرفتش نهاية القصة لآن أمى دخلت شدتنى من شعرى  لغاية باب شقتنا علشان الزفت مدرس الآنجلش وصل ولازم اخد الدرس … عموما  الفيلم يشبه بالضبط قصة المعونة اللى خلتنا نتنازل لامريكا عن كرامتنا ومبادئنا وشرفنا فوق البيعة علشان شوية فلوس بتروح والله اعلم فين….. لآ وكمان  الست امريكا كانت زعلانه من قمع الحريات وأزاى نحارب الشذوذ ونضايق الاولاد - وفضلت تطلب اننا نبحبحها شوية - كان ناقص تطلب نقلع هدومنا ونمشى كدة بأسم الحرية .. وبرضه فى ألاخر خفضت المعونة يعنى لاطولنا نفضل بشرفنا وكرامتنا ولا خدنا الحسنة..

- ترسل التعليقات على طنط عنايات اللى بتتكلم على الناس وبتقول أن بنتها أجمل واسعد وأكرم وخليفة وحسنين وأحمد وأسماعيل وعطية وشوقى وعويس و أشرف بنت فى الدنيا وكل بنات العالم وحشين ومش متربيين خالص…. 

]]> http://condaliza.maktoobblog.com/1589678/%d9%88%d8%a7%d8%ad%d8%af-%d9%82%d9%81%d8%a7-%d8%a7%d9%85%d8%b1%d9%8a%d9%83%d8%a7%d9%86%d9%89-%d9%88%d8%b5%d9%84%d8%ad%d9%87/feed/ عايزة أتجوز الملك http://condaliza.maktoobblog.com/1589670/1589670/ http://condaliza.maktoobblog.com/1589670/1589670/#comments Sat, 28 Feb 2009 16:41:05 +0000 هدى صالح http://condaliza.maktoobblog.com/?p=1589670 كان ياما كان فى سالف العصر والآوان ملك شجاع طيب وأمير يعطف على الفقير ويطبطب على المسكين .. وبيكره الظلم والرزالة ويحب بلده بالآمارة…. ولاكان يقدر ينام الا بعد ما يطمئن على رعاياه - ولو فى يوم أكتشف ان وزير من اعوانه سرق أو ارتشى كان بيقطع رقبته على صدره حتى يكون عبرة لزملائه الحلوين…. - دى الحكاية اللى كانت بتحكيها لينا ابلة سعاد وأحنا صغار علشان نسكت ومنعملش دوشة فى الفصل .. ولما تخلص القصة تطلب مننا ننام على الديسك لغاية ميعاد المرواح وبعدين تقعد هى تتكلم مع مستر أحمد مدرس الفصل اللى جمبنا ………. -وفضلت حكاية الملك لازقة فى دماغى لغاية ماكبرت وكنت معجبة به خالص لدرجة أنه اصبح فتى أحلامى وأتمنيت ييجى على حصان أبيض ولابس أبيض فى أبيض ويجوزنى بقى ويخلصنى من الشقى والتعب.. - وفى يوم أسود فى أسود صحيت من حلمى الجميل وعرفت أن ابلة سعاد كدابة لآن الملك اللى كان فى الحدوته مش هو اللى فى الواقع.. - وكل يوم أكتشف أن الملك بيطحن الشعب ويعلق المظلوم على فلكة .. ولامم شوية منافقين وأراجوزات حواليه يحرسوه… - والنصيبة أنه بيعلم أبنه كيفية تخزيق الغلابة يعنى العدوان الثلاثى  (الملك وابنه وأتباعهم)كلهم على الشعب - وأتزرع جوانا الخوف وأصبح لكل فرد مخبر عايش فى مناخيره .. - حقيقى بقيت أخاف أرفع حواجبى ليكون فوقها مخبر  يقع ويزعل منى ويبهدلنى…. - لكن برضه بنحب بلدنا وهى الحضن الكبير اللى بيضمنا . والسجن الواسع اللى بيلمنا….

]]> http://condaliza.maktoobblog.com/1589670/1589670/feed/ بكلم نفسى http://condaliza.maktoobblog.com/1460594/%d8%a8%d9%83%d9%84%d9%85-%d9%86%d9%81%d8%b3%d9%89/ http://condaliza.maktoobblog.com/1460594/%d8%a8%d9%83%d9%84%d9%85-%d9%86%d9%81%d8%b3%d9%89/#comments Fri, 21 Nov 2008 13:04:00 +0000 هدى صالح http://condaliza.maktoobblog.com/1460594/%d8%a8%d9%83%d9%84%d9%85-%d9%86%d9%81%d8%b3%d9%89/ كنت اعتقد ان  التدوين هو عالم يحلق فيه صفوة المثقفين . لايشغلهم سوى هموم وطن يئن من صراعات وأطماع من يمتلكون زمامه . ويتطلعون الى التهامه.
لكنى أكتشفت انه  اعتقاد غبى وليس سوى نتاج عالمى الضيق.
- اما الوجه الآخر للتدوين فهو قبيح مدنس يحمل فكرا راقى فى ظاهره ونفس ضعيفه فى باطنه . واختلط الحابل بالنابل
- ورغم اقتناعى فى البداية ان الهدف من التدوين هو الخروج من شرنقة القمع الذى يقع علينا  فى الحياه الخارجية . فليست مسموح ان نمارس الكتابه على سجيتنا الا فى عالم الانترنيت الواسع دون قيود او التزام بسياسه تحريرية أو حتى تعبيرات لغوية منمقه - هو فقط لتبادل الاراء والثقافات المختلفه المفيده
- وهذا العالم الافتراضى والذى لم نرى فيه بعضنا البعض الا ان هناك دائما شىء يجمعنا . ربما هى الضغوط الحياتية التى نمر بها  وحروبنا المستمرة مع واقع مؤلم نعيشه تحت وطاة الصراع من اجل البقاء فقط  وبعد تساقط الكثير من احلامنا التى اجهضت
- ولا انكر ان قابلت القليل ممن يحمل لقب (أنسان) له مبادىء وقيم وفكر متحضر.
- وللآسف وجدت الكثير على النقيض تماما
فهناك من يتربص بكلمة أو تعليق لينسج منه فى خياله المريض قصصا بعيده عن الحقيقه - واخر ينبش فى الآعراض ويلوث الاخرين بسفالة مقززة
- والكثير ممن يضيع وقته وجهده فى  السب وتبادل الاتهامات مع الاخرين
- ثم هناك ايضا من يريد اثبات ذاته بالخروج عن المألوف فى محاولة رخيصه للتلصص على قلب انثى ليستبيح مشاعرها ويستعرض قدراته البهلوانية فى شد انتباه الاخريات كما يخيل لنفسه الفارغه.
- ولا أستطيع ان اتجاهل بعض المروجين للفتنه الطائفية لآشعال الحروب بين الآديان المختلفه . وبرغم اننا والى وقت قريب نعيش فى أطار ودى من الحب والاحترام .. حيث كنا نلتف حول قضيه وطنية واحده
- اما الآن فنحن نعيش حالة من الفراغ السياسى والفكرى …. فقدنا هويتنا بعد انتمائنا
- لن اذيل ادراجى بالتمنى والرجاء بأصلاح الاحوال لكنى أردت فقط التفكير بصوت عالى

]]> http://condaliza.maktoobblog.com/1460594/%d8%a8%d9%83%d9%84%d9%85-%d9%86%d9%81%d8%b3%d9%89/feed/ على هامش مؤتمر الحذق الوطنى http://condaliza.maktoobblog.com/1419889/%d8%b9%d9%84%d9%89-%d9%87%d8%a7%d9%85%d8%b4-%d9%85%d8%a4%d8%aa%d9%85%d8%b1-%d8%a7%d9%84%d8%ad%d8%b0%d9%82-%d8%a7%d9%84%d9%88%d8%b7%d9%86%d9%89/ http://condaliza.maktoobblog.com/1419889/%d8%b9%d9%84%d9%89-%d9%87%d8%a7%d9%85%d8%b4-%d9%85%d8%a4%d8%aa%d9%85%d8%b1-%d8%a7%d9%84%d8%ad%d8%b0%d9%82-%d8%a7%d9%84%d9%88%d8%b7%d9%86%d9%89/#comments Mon, 03 Nov 2008 22:16:00 +0000 هدى صالح http://condaliza.maktoobblog.com/1419889/%d8%b9%d9%84%d9%89-%d9%87%d8%a7%d9%85%d8%b4-%d9%85%d8%a4%d8%aa%d9%85%d8%b1-%d8%a7%d9%84%d8%ad%d8%b0%d9%82-%d8%a7%d9%84%d9%88%d8%b7%d9%86%d9%89/ تابعت سريعا  مؤتمر السيرك الوطنى  بسبب انشغالى فى لم الجمعية  من ستات العمارة  أصل كان فى 2 مدفعوش

فى الاول لاحظت مجموعه كلام وتصريحات ضرب نار مثلا

1- العداله الاجتماعية  ومكافحه الفقر
- شوفتوا الاستفزاز  ؟ ده لو كان بيكافح تسوس الاسنان كان  انجز
2- الوزيرين الجمل وأباظه قالوا ( ان سياسات الحزب تتميز بالمرونه  لمواكبه التغيير - بصراحه انا مش شايفه اى تغيير  سوى فى الملابس الداخلية -
3- زكريا عزمى  بيصرح ان عدد اعضاء الحزب  2مليون و898الف عضو - طيب بذمتك ده عدد يستدعى الفرحه؟
4- صفوت الشريف  يصرح بان  مصلحه المواطن هدف الحزب  أولا واخيرا
لاتعليق . ردوا  انتوا بقى
5-  نظيف بيؤكد ان مصر على الطريق السليم . يكونش قصده على الطريق السريع الى الجنان والتخلف؟
6- جمال مبارك  بيقول ان الاقتصاد المصرى حقق تطورا كبيرا خلال السنوات الاربع - لكن  لم يذكر التطور ده كان  فوق ولا تحت؟ - واضاف انه   لم ولن يتخلى عن المواطن . يانهار اسود  أبوس ايدك  سيب المواطن فى حاله
- واكد ان الحزب ليس حزبا لرجال الاعمال - وانه لايتستر على فاسد ولايعطى حصانه لآحد(   الطم؟)
- طبعا كان فى كلام كثير لجميع كوادر الحزب -  وكله  بيتكلم عن الاصلاحات والانجازات وان محدش عمل اللى عمله الحزب -
واخيرا  سمعت جمله شقية  من  نظيف قال ايه  اقتصادنا  قوى جدا خالص وبنوكنا  امنه وبلدنا مستقر بفضل سياسه وحكمة الرئيس
- وبعض الاعضاء اكدوا  على هذا التصريح  مع اضافه ان بلدنا بتتمرمغ فى العز - مع فكر جديد -  وقلب حديد

- طيب اوك  انا موافقه  بس ياريت حد يقولى ياترى الحزب كان بيوجه كلامه لمين ؟؟؟  اكيد لناس تانية وبلد تانية وزمن تانى -

باختصار ومن بين السطور  فهمت كده ان المؤتمر بيوصى  بتسليم قفا  الشعب للحزب - تصدقوا  احنا نستاهل   السيخ

]]> http://condaliza.maktoobblog.com/1419889/%d8%b9%d9%84%d9%89-%d9%87%d8%a7%d9%85%d8%b4-%d9%85%d8%a4%d8%aa%d9%85%d8%b1-%d8%a7%d9%84%d8%ad%d8%b0%d9%82-%d8%a7%d9%84%d9%88%d8%b7%d9%86%d9%89/feed/ المواطن أهبل http://condaliza.maktoobblog.com/1400577/%d8%a7%d9%84%d9%85%d9%88%d8%a7%d8%b7%d9%86-%d8%a3%d9%87%d8%a8%d9%84/ http://condaliza.maktoobblog.com/1400577/%d8%a7%d9%84%d9%85%d9%88%d8%a7%d8%b7%d9%86-%d8%a3%d9%87%d8%a8%d9%84/#comments Mon, 27 Oct 2008 00:45:00 +0000 هدى صالح http://condaliza.maktoobblog.com/1400577/%d8%a7%d9%84%d9%85%d9%88%d8%a7%d8%b7%d9%86-%d8%a3%d9%87%d8%a8%d9%84/ المتابع للمشهد  الدرامى لبلدنا المحروسه واللى لسه قاعده على الترعه بتغسل رجلها  هيلاحظ انه يوجد  عدة انواع من البشرية الفوضوية وامبارح رحت أكل ساندوتش فول بزيت العربيات من عند عمو حسن الحرامى - اللى ابنه بيعاكس بنت البقال اللى تحتينا - وحاولت اعمل تقسيم  كل نوع   - النوع الاول  وهو الصفوة يعنى كبارات البلد  أصحاب المعالى اللى ساكنين فى العلالى- بتوع البزنس ( تهليب  وسرقه -ووضع يد على اراضى الدولة  - وممكن تجارة عمله -ولامانع من المخدرات واحيانا أخذ مناصب وحصانه  بدون داعى  لزوم الوجاهة الاجتماعية يعنى- كل ده وأحنا قاعدين متنحين - النوع الثانى - السلطه أو النظام = دول بقى اللى طايحين فى  خلق الله يمين وشمال - ومعاهم مفاتيح تشغيل المواطن وبرمجته يعنى الريموت كنترول فى ايديهم وبلمسة واحده على الزر يصبح المواطن  سخن وبلمسة اخرى  يصبح بارد وأليف ولما تحب تسخنه  تعمل كام اعلان قومى كده - زى مثلا  انها تخاطب مشاعره واحاسيسه  وتقوله   من اجل اخوك وابوك وجارك وصاحبك والبت بتاعتك تبرع بتلاته كيلو دم نقى - يعنى المواطن يتبرع ببلاش 0 بس بياخد علبه عصير وباكو بسكوت ابو ربع جنيه) وبعدين ياخدوا  الدم  ويبيعوه لمواطن تانى - واحتمال يتباع لنفس الشخص اللى اتبرع به  من كام يوم - - وجايز يتم تسخين المواطن  للتبرع لمستشفيات السرطان اللى هم اصلا  السبب فى دخوله  جثه المواطن - ماشى هنتبرع ( لكن يارب  يروح التبرع  فعلا للمرضى - ويارب منكتشفش بعد كده  انهم بيستوردوا  به أدويه مسرطنه لزياده اعداد المرضى والتخلص منهم - أما لو حب النظام تبريد المواطن فهو  بيقدم له  تشكيله كبيرة من قله الآدب - ابتداء  من القنوات  القبيحه مرورا بالكليبات الساخنه للموزز الشفافه ( يعنى منغير هدوم) ركز- وانتهاء  بتغميض الاعين  عن اللى بيحصل فى  السينما  والجناين وصحراء المقطم - وما خفى - وحتى يتم  التبريد والتكييف اللى بجد مش  هزار  يبقى التساهل والطناش على  البودرة والخشخاش - وبكده يبقى  تغييب  المدهول تماما ولما يصحى فى يوم فى شهر فى سنه هيلقى نفسه جاهز  لأستقبال  كل الالعاب - النظام فى بلدنا  من مهامه ايضا   حماية  النوع الاول - يعنى الصفوة   ركزوا شوية - بمعنى لو حد من الاكابر  عمل نصيبه او كارثه( يعنى لو  داس على صباع اى حد ماشى ) بتقوم  تبهدل كرامة الصباع- -  النوع الثالث -  وهو اسمه  ( المواطن أهبل)  وده  اكثر نوع  متوفر لدينا - اللى هو  مين؟؟؟؟؟ - مواطن عادى  -بيشتغل - وماشى جمب الحيط - وبيدفع ضرايب وأتاوات وبيدفع بالتى هى أحسن -وبيتبرع وبينضرب - وهو برضه صاحب الصباع اللى داس عليه الاكابر - وهو اللى بيتعاقب لانه سايب  صباعه  فى الطريق اللى بيعدى منه الاكابر - وهو نفس المواطن اللى بيتبرد ويتسخن ويتكيف ويتنيل يسكت - النوع الرابع -  بعيد عنك  حاجه كده زى المضاد الحيوى - وهو يتكون من شوية معارضين - على مدونيين لاسعين - ونشطاء الرأى ( اللى بعد كده بيبقى اسمهم سجناء الرأى) على بعض الصحفيين يعنى مجموعه ملخفنه مش عاجبها الاوضاع — بأختصار  مش قابلين الدلع  اللى بيتقدملهم من السلطه ولا عارفين يتكيفوا - وحاسين بالغربه فى بلدهم اللى لسه  عالترعه بتغسل رجلها - وهم  دول المكروهين قوى  من النوع الاول  والتانى ليه؟ لآن  هما اللى بيلعبوا فى لامؤاخذه دماغ المواطن  بتاع النوع الثالت - واللى  تعتبر ملك خاص للنظام   - اللى يحب النوع الاول –يكتب  1 واللى يناسبه النوع التانى ——– يكتب 2 واللى يفضل النوع التالث - يكتب  3 واللى يحب النوع الرابع — يكتب 4 واللى يحب النبى   يدعيلى  

]]> http://condaliza.maktoobblog.com/1400577/%d8%a7%d9%84%d9%85%d9%88%d8%a7%d8%b7%d9%86-%d8%a3%d9%87%d8%a8%d9%84/feed/ حفل تكريم للحراميين http://condaliza.maktoobblog.com/1256898/%d8%ad%d9%81%d9%84-%d8%aa%d9%83%d8%b1%d9%8a%d9%85-%d9%84%d9%84%d8%ad%d8%b1%d8%a7%d9%85%d9%8a%d9%8a%d9%86/ http://condaliza.maktoobblog.com/1256898/%d8%ad%d9%81%d9%84-%d8%aa%d9%83%d8%b1%d9%8a%d9%85-%d9%84%d9%84%d8%ad%d8%b1%d8%a7%d9%85%d9%8a%d9%8a%d9%86/#comments Tue, 26 Aug 2008 04:38:00 +0000 هدى صالح http://condaliza.maktoobblog.com/1256898/%d8%ad%d9%81%d9%84-%d8%aa%d9%83%d8%b1%d9%8a%d9%85-%d9%84%d9%84%d8%ad%d8%b1%d8%a7%d9%85%d9%8a%d9%8a%d9%86/ اخواتى وحبايبى معلش هقول كلمتين كده  على  الهادى لانى قررت اكون رومانسية وروشه - وبعدين  انا  عامله حفله صغيرة  لتكريم اصحاب السوء -                                                    فى الاول بقدم التحية  والاحترام لصاحب المخ  والحبكة الذكية اللى  متخرش الميه  وكتبلنا سيناريو  حريق الشورى وقدر يثبت  ان المجرم الحقيقى هو  الماس  الكهربائى - وهو  برضه اللى  اخفى جميع  الاوراق والمستندات                                      وتحية لكل وزير  أضطر   يسرق وينهب  اموال الشعب  غصب  عنه لآنه  محتاج  يصيف فى اوربا ( مع  مراته الجديده )                                    وبنقدم  التهانى  والزغاريد  للحزب الوثنى  اللى  قدر  ينجح فى جميع دوائر الانتخابات واخد  كل  الاصوات من  طابور  العيش - وايضا حصوله على جميع المناصب القيادية والاحتكارية البلطجية –      وبنشكر  القضاه  اللى  حكموا   بالبراءة لصاحب العبارة - وصاحب اكياس الدم الفاسده  من  منطلق  المسامح كريم  ومتعملش كده تانى  اللى فات  مات - وبنمسى  على الوزير صاحب محلات شيلنى وأشيلك  واللى عامل  تسعيرة للوظائف اللى مش خالية و الخدمات الخفية  وكله بثمنه -          وتحية بالمهلبية  للقاضى الفاضى  اللى  بيطالب  بغلق المدونات وحبس اصحابها - ومش عارفه  ازاى  هيحبس 3  مليون مدون  يعنى اكثر من اطفال الشوارع ( ربنا يهدك)           وبنقدم  ورده رقيقه  مصحوبه بالدعاء المستجاب على  ترزية القوانين  وتلفيق  التهم لكل  من  تسول  له  نفسه ويفكر  انه  يعترض  على مسيرة  السلام والحب  التى تعيشه البلاد -      وتحياتى الشخصية  لكل صاحب دقن ملزوقه  بلبانه  وبيطلع  فى  الفضائيات  يبكى  ويضحك  عند اللزوم  وعامل  الدين  سبوبه للكسب  السريع - وجمع التبرعات الخيرية  لصرفها على الستات المستحقيه -   وشهاده تقدير   لكل  ام  تعبت وشقيت وربت  وضحت بالغالى والرخيص  من اجل  ان  تصبح  ابنتها  فتاه  اعلانات  مشهورة              وتحيه  اخيرة لكل  مسئول بيطلع  قرارات  عشوائية  وبعدين  نقعد  سنين  نعانى  من  توابع  قراراته  التى  تسبب  فرسه وجلطه للمواطن -   المرة دى  مش  هقولكم اشوفكوا صدفه  -  لكن  مسير  الحى  يتلاقى  

]]> http://condaliza.maktoobblog.com/1256898/%d8%ad%d9%81%d9%84-%d8%aa%d9%83%d8%b1%d9%8a%d9%85-%d9%84%d9%84%d8%ad%d8%b1%d8%a7%d9%85%d9%8a%d9%8a%d9%86/feed/ اعتذار للرئيس http://condaliza.maktoobblog.com/1149792/%d8%a7%d8%b9%d8%aa%d8%b0%d8%a7%d8%b1-%d9%84%d9%84%d8%b1%d8%a6%d9%8a%d8%b3/ http://condaliza.maktoobblog.com/1149792/%d8%a7%d8%b9%d8%aa%d8%b0%d8%a7%d8%b1-%d9%84%d9%84%d8%b1%d8%a6%d9%8a%d8%b3/#comments Wed, 13 Aug 2008 01:38:00 +0000 هدى صالح http://condaliza.maktoobblog.com/1149792/%d8%a7%d8%b9%d8%aa%d8%b0%d8%a7%d8%b1-%d9%84%d9%84%d8%b1%d8%a6%d9%8a%d8%b3/ سيدى  الرئيس  اسمحلى  اقدم   لك  اعتذار  نيابه  عنى   انا  وشعبك شعبك اللى  مش  عارف مصلحته فين -  كل  شوية  عايز تغيير  عايز تعديل عايز  تفسير  للى  بيحصل - شعب  غبى   بيسال  كثير  مع  انك  واضح  يابابا  عايز  سلام  ووئام  ومش عايز  حد  غريب  يمسك  مكانك  معلش  لانك  مش  ضامن  الغريب  ده    يمكن  يطلع  وحش  او  مسعور  وياكل  اللى باقى من  البلد  طيب  والشعب  الغلبان  ده  هياكل  ايه؟؟؟عندك  حق            حتى  يوم انتخابات  الرئاسة  لقتنى داخله اللجنه  لوحدى  عارفه طريقى  وسكتى  وبصراحه  بعترفلك  انى  كنت  ناوية اختار واحد  غيرك  معلش  الشيطان  وحش لكن  الحمدلله ربنا  ستر وعرفت غلطتى فى  اخر  لحظه واختارتك ( بس لو اعرف مين زقنى )؟       حتى  كشوف  اسماء  الناخبين  كانوا  كلهم  اموات  من سنين  معلش  يمكن  كانوا  كاتبين  وصيه  قبل  موتهم  بانتخابك وحتى  الناس  الصاحيين  اللى  جم  وقفوا  طوابير  علشان  ينتخبوك   كانوا  قاعدين  فى  امان الله  على القهوة  بيحششوا  وبيسمعوا    المطرب  الكبير   عبده  الملزق)   جت  عربيات الشرطه  اخدتهم  بالعافية   على  اللجان  قبل  ما  يهربوا  على بيوتهم  مع  انهم  لايعرفوا  الكتابه  ولا  القراءة ماعلينا   المهم   نفسى  فى  طلب  صغير  جدا  قوى  خالص  هو  انك  تسمحلى  الملم   اللى باقى  من   الشعب  ( يعنى  اللى  بره  السجن )    واخدهم   واذهب   الى  خارج  مملكة  مصر  العربية قاصدين   صحراء كوالالمبورعلشان  نفسح  المجال  للابناء  والاحفاد  وابناء الاحفاد  واحفاد  الابناء

]]> http://condaliza.maktoobblog.com/1149792/%d8%a7%d8%b9%d8%aa%d8%b0%d8%a7%d8%b1-%d9%84%d9%84%d8%b1%d8%a6%d9%8a%d8%b3/feed/